Produksiebestuurder (Kernvrugte)

Louterwater Landgoed, geleë ongeveer 18 km vanaf Joubertina in die Langkloof, verbou en verpak kern- en steenvrugte in dié area. Die maatskappy beskik oor die volgende vakature. Produksiebestuurder (Kernvrugte) Langkloof Oos-Kaap Ons benodig die dienste van n bedrewe bestuurder op een van ons plase, Louterwater, wat naby Joubertina in die Langkloof geleë is. Die boerdery-aktiwiteite behels die verbouing van appels en pere op ongeveer 160 hektaar. Die posbekleër sal aan die Hoofbestuurder verantwoordelik wees vir die doeltreffende bestuur en operasionele sukses van dié plaas. Die Produksiebestuurder se pligte behels: Die bestuur van personeel aan die produksiekant Verskeie aspekte van boerdery, naamlik snoei, kunsmis, spuite, besproeiing, oes, ens. Implementering van etiese oudits/akkreditasies (BRC, SIZA, HACCP en GlobalGap) Optimale benutting van verbouingspraktyke volgens moderne boerdery-aktiwiteite. Goeie ondervinding in die verbouing van kernvrugte is n vereiste, terwyl n toepaslike tersiêre kwalifikasie die aansoek sal versterk. Verder sal die suksesvolle kandidaat sal oor bogemiddelde kommunikasie- en bestuursvaardighede beskik, en gekenmerk word deur dryfkrag, selfstandige optrede en die vermoë om ondergeskiktes te motiveer en produktiwiteit te optimaliseer. n Mededingende vergoedingspakket, wat behuising en lidmaatskap tot n aftree- en mediese fonds insluit, word aangebied. Stuur n CV onverwyld na diandutoit.com Diensaanvaarding sal so gou doenlik, maar nie later as 1 November 2024 wees nie.