Traumaberader

AfriForum is tans op soek na 'n traumaberader om by die organisasie se traumaeenheid aan te sluit.
Die doel van die pos is om te verseker dat die AfriForum-traumaeenheid geposisioneer en toegerus is om traumaondersteuningsdienste aan slagoffers van plaasmoorde, plaasaanvalle en geweldsmisdaad te bied.
Die geskikte kandidaat sal verantwoordelik wees vir die bied van traumaberading aan slagoffers, asook ontlonting met individue en groepe wat slagoffers van geweldsmisdaad is.
Ons is op soek na individue wat oor die volgende vaardighede beskik: goeie menseverhoudings, die vermoë om 'n hoë vlak van vertroulikheid te behou, goeie kommunikasievermoë, geen kriminele rekord of vorige veroordelings, hoë vlakke van emosionele intelligensie, asook 'n effektiewe spanspeler wat bereid is om lang en ongereelde ure weg van die huis af te werk.
Die geskikte kandidaat moet aan die volgende posvereistes voldoen: Driejaargraad in sielkunde en 'n honneurs-/BPsig-ekwivalent met registrasie as geregistreerde berader Tussen een en drie jaar toepaslike ondervinding Kennis van die Grondwet van SA, Kinderwet en Kinder- kriminele wet, POPI, Wet op Seksuele Misdrywe, Wet op Gesinsgeweld Registrasie as geregistreerde berader by die Suid-Afrikaanse Raad vir Gesondheidsberoepe (HPCSA) Hierdie is 'n fantastiese geleentheid om 'n verskil te maak in die lewens van individue wat slagoffers van misdaad word en traumatiese gebeurtenisse ervaar.
Aansoeke moet voor of op 9 Januarie 2025 ingedien word.  Indien jy nie terugvoer ontvang binne drie weke ná die sluitingsdatum nie, kan jy aanvaar dat jou aansoek onsuksesvol was.