Boekhouer

Boekhouer Huis Matzikama, Vanrhynsdorp Huis Matzikama is n program van Badisa, n gesamentlike bedieningsaksie van die NG Kerk (Wes-Kaapland) en VGKSA (Kaapland). Aansoeke van entoesiastiese, verantwoordelike en gemotiveerde persone word vir hierdie betrekking ingewag. Die aangewese kandidaat sal regstreeks aan die Bestuur verslag doen en verantwoordelik wees vir die volgende: Gerekenariseerde boekhouding tot proefbalans Maandelikse opstel van finansiële state Opstel van begrotings Finansiële administrasie (losies, subsidies en rekeninge) Salarisadministrasie en statutêre opgawes Betaalpunt vir inwonerpensioene Administratiewe en sekretariële pligte. Kandidate moet oor goeie menseverhoudinge en goed ontwikkelde syferkundige en rekenaarvaardighede beskik. Die pos vereis ook akkuraatheid en die vermoë om teen hoë tempo te funksioneer, asook kennis van elektroniese salaris- en boekhouprogramme. Ons bied n onderhandelbare salaris, aangevul deur n mediese en aftreeskema, asook ruim verlofvoordele. Rig n volledige CV, en dui aan vir watter pos u aansoek doen, voor/op 17 Oktober 2024 aan: Die Direkteur: Menslike Hulpbronne, e-pos: mhbbadisa.org.za