Die volgende loopbaangeleentheid het by ons kliënt - 'n progressiewe Sitrusverbouer- en verpakker in die Oos-Kaap - ontstaan a.g.v. konstante groei en uitbreiding van die onderneming. BEDRYFSBESTUURDER (Sitrusverpakking) Die posbekleër sal d.m.v. oorhoofse bestuurs- en direkte strategiese insette verseker dat die hoogs tegnologiese en geoutomatiseerde vrugteverpakkingsaanleg op die kort- sowel as langtermyn effektief uitvoering gee aan geïntegreerde bemarkingsplanne wat spesifieke vereistes stel t.o.v. kliënt-georiënteerde voorskrifte, kwaliteitsversekering, voedselveiligheid-standaarde, verpakkingstipes en -protokolle, nasporing-stelsels, ens. Die verpakkingseenhede funksioneer as selfstandige bedryfs- en winssentrums met n jong, maar gevestigde infrastruktuur. Oorhoofse insette t.o.v. optimalisering van alle hulpbronne, kapasiteite en kostes is kritiese prestasie-areas. Deurlopende beplanning rondom bedryfsaangeleenthede is n integrale deel van die pos. Minimum vereistes: Tersiêre kwalifikasie in Bestuurswetenskappe of Bedryfs- / Meganiese Ingenieurswese Bewese toepaslike ervaring in n Bestuurshoedanigheid (verkieslik die voedsel- / verpakkingsbedryf) Uitstaande organiserings- en koördineringsvaardighede Uitnemende leierseienskappe Vermoë om proaktief te onderhandel, funksioneer en aangeleenthede effektief af te handel Vertroud wees met moderne kommunikasie- en inligtingstegnologie. Hierdie persoon - wat direk aan die Besturende Direkteur rapporteer - sal uit die aard van die kompleksiteit van die funksie baie gestruktureerd moet kan dink, handel en optree. Die vergoedingspakket sal die senioriteit van die posisie ondersteun. Marianne Rousseau ontvang alle aansoeke vertroulik by mwntiiafrica.com tot Woensdag, 09 Oktober 2024 . Indien u nie binne 6 weke van ons gehoor het nie, kan u aanvaar dat alternatiewe besluite geneem is. Ons hou nietemin u CV op rekord vir moontlike toekomstige verwysing.